2011 سنة التغيير بحق
أنا حاسة إننا كنا نايمين وفجأة صحينا .... طبيعي إن الواحد أول مايصحي يبقي متضايق من النور والدوشة
لكن أهم حاجة إنه صحي
الواحد كان فاقد الأمل في البلد وكان حاسس إن لو أبو الهول اتحرك يبقي البلد هتتحرك
وكان مستسلم للحالة دي وفجأة الأمور كلها اتغيرت
برضه نقدر نقول إن سنة 2011 هي سنة الضوضاء بحق
بعد سنين من الصمت والمشي جنب الحيط فجأة كل الناس بتتكلم وبتقول رأيها في كل حاجة
لسه محتاجين نتعلم إزاي نتكلم ونقول رأينا لأننا مش متعودين علي كده
بس أهم حاجة إن حاجز الخوف والسلبية اتكسر وياريت ميرجعش تاني
أعتقد أيضا إن سنة 2011 سنة الارهاق النفسي
الواحد من كتر الأحداث ومن كتر الكلام أصبح مرهق دائما بصراحة
