اعتصامات فى ليبيا لتصحيح مسار الثورة.

اقتباس :: استمر اعتصام عدد من المواطنين الليبيين فى ميدان قطر "الجزائر سابقا" وسط العاصمة طرابلس، والذى يطالب المشاركون فيه بـ"تصحيح مسار الثورة"، وتنفيذ مطالب وأهداف الثورة الليبية.

ورفع المعتصمون لافتات تطالب بتصحيح مسار الثورة الليبية، واستبعاد عناصر النظام الليبى السابق من الحياة السياسية، وإخراجهم من العمل العام، وكذلك استبعاد الأفكار والسياسات التى كانت متبعة فى عهد النظام السابق.

وفى بنى غازى، استمرت احتجاجات المعتصمين فى ميدان الحرية بمدينة بنغازى -التى شهدت انطلاق الثورة الليبية- والتى بدأت منذ أسابيع، كما تستمر الاحتجاجات والاعتصامات فى ميدان العدالة بمدينة مصراته التى بدأت منذ أسبوعين تأييدا لمعتصمى طرابلس وبنغازى.

ويطالب المعتصمون المجلس الوطنى الانتقالى بالعمل على تصحيح مسار ثورة 17 فبراير، وحماية الدولة من استمرار نفوذ عناصر النظام السابق.

وتلقى فى خيام الاعتصام بالمدن الليبية محاضرات متنوعة، لعرض وجهات نظر المعتصمين، ومناقشات للساسة والمثقفين على هامش تلك الاعتصامات، كما يقوم بعض المسئولين من المجلس الوطنى الانتقالى أحيانا بزيارات للمعتصمين.

الانحرافات المنتشابهه عن المسار المفترض تنتج ذات المحاولات للتصحيح
حتى و ان اختلفت الظروف
ليبيا ليست مصر
و كميه السلاح الذى مازال فى ايدى الثوار لا يستهان بها
اخشى ان يتحول الطريق الى نزاع مسلح
اتمنى الا يحدث
و ان كانت البوادر من الصعب عدم ملاحظتها

هو انتي ما عرفتيش يا مغتربة مش نفس الكلام دا في تونس

و الكلام على ثورة تانية عندهم هما كمان

للاسف انا بقى عندي يقين من اللي بنشوفه اليومين دول انه كان فعلا مخطط لتفشي الفوضى في المنطقة

و للاسف ان الناس المحترمة اللي كان هدفها فعلا مصلحة اوطانها تم استغلالها في التنفيذ

Pink Rose كتب:: هو انتي ما عرفتيش يا مغتربة مش نفس الكلام دا في تونس

و الكلام على ثورة تانية عندهم هما كمان

للاسف انا بقى عندي يقين من اللي بنشوفه اليومين دول انه كان فعلا مخطط لتفشي الفوضى في المنطقة

و للاسف ان الناس المحترمة اللي كان هدفها فعلا مصلحة اوطانها تم استغلالها في التنفيذ

لا لا يا بينك مش صحيح
أصل اللي ممكن نتخيل إنهم لهم مصلحه في تفشي الفوضى في المنطقه هم مين ؟ امريكا و إسرائيل مش كده ؟
أعتقد إن دول كانوا أكبر مستفيدن من الأنظمه السابقه للثورات
لأن الأنظمه دي كانت أقل ما توصف به إنها أنظمه متواطئه معاهم
و كانت أنظمه بايعه شعوبها و أوطانها لحساب مصالحها الشخصيه و حسابتها في سويسرا
يعني سقوط الأنظمه دي اللي هو نتيجه مباشره للثورات كان وبال على الجهات اللي ممكن نتخيل انها لها مصلحه في تفشي الفوضى في المنطقه
يبقى إزاي هتكون هي المتسببه فيها ؟
عارفه اللي بيحصل إنهرضه ده إيه ؟
ده (( من وجهة نظري الضيقه طبعاً )) نتجه لعدم إحكام قبضة الثوار على نتائج الثوره
يعني الثوار ثاروا و ثورتهم يا دوب هتقول يا ثمار قاموا سابوها
فرحوا بالغرس و لم يحرسوه و لم يراعوه لإنتظار الثمار
ممكن تقولي إن ده من قلة الخبره برضه
لكنه مستدرك بأمر الله
بس نقول يا رب